Iphi le ngane eyazalwayo?
Iphi yonke lento esayethenjiswa?
Ithemba lenjabulo salifumbathiswa.
Namanje sisalubambile lolo donga.
Miningi kakhulu manje le minyaka
Kwabulaw' ubandlululo kuleli
Ukuz' engacindezel' unkululeko
Le ngane eyayizozalwa.
Nanamuhla kusefana nakuqala.
Iph' inkululeko? Angiy'boni.
Buph' ubunye? Angib'boni.
Kuph' uk'thula? Angik'boni.
Mina ngibon' usizi ludlondlobala,
Ngibon' uk'cwasana kukhula ngamandla.
Abesifazane banukubezelwani?
Abesilisa bacindezelwani?
Zon' izingane zihlukunyezelwani?
Zon' izisu zihushulelwani?
Abokufika bona bacwaselwani?
Alikabuyi lel' izwe lakithi.
Sonke siyalingana kuMdali.
Kuyavela yini ngapho lokho?
Ngapha akukaveli. Sikhombiseni nathi.
Iph' inkululeko kanti?
Abacebile bacetshiswa kakhulu,
Abampofu bacindezelwa kakhu.
Akakazalwa unkululeko kule.
Nisize nidlulisele lo myalezo kubaholi
Namanje sisalindile
Silind' inkululeko.